«Жамоатчилик» онлайн-платформасига келиб тушган хабар ва таклифлар сони 3 кун ичида 400 га яқинлашди. Бу ҳақда «Юксалиш» умуммилий ҳаракати маълум қилди.
Фуқаролар таклифларининг аксарияти таълим ва соғлиқни сақлаш, молия ва кредитлаш, энергетика ва коммунал хизматлар, паспорт тизими ва фуқароликни расмийлаштириш, мажбурий меҳнат ва коррупцияга қарши курашиш билан боғлиқ.
«Платформа фаолияти ҳар ҳафта таҳлил қилиниб, оралиқ натижалар эълон қилиб борилади. Жумладан, келгуси ҳафта кенг жамоатчилик иштирокида энг долзарб таклифлар муҳокамаси бўлиб ўтади», — дейилади хабарда.
Изоҳ (0)