Ўзбекистонда доллар курси кескин кўтарилди

Ўзбекистон Республикаси Марказий банки 10 августдан хорижий валюталарнинг сўмга нисбатан янги қийматини белгилади.

Унга кўра, 1 АҚШ доллари 5 август куни эълон қилинган курсга нисбатан 177,13 сўмга кўтарилган ва 1 доллар 8882,00 сўмга етган.

1 евро курси 259,80 сўмга ошиб, 9928,30 сўмни ташкил этган.

1 рубл эса 2,53 сўмга қимматлашиб, 136,38 сўмга тенг бўлиб турибди.

Аввалроқ 9 августдан бошлаб Ўзбекистондаги қатор банклар долларни 8840 сўмдан сотиб олиб, 8900 сўмдан сотаётгани ҳақида хабар берилган эди.