Қирғизистон миллий хавфсизлик қўмитаси раҳбари Орозбек Опумбаев истеъфога чиқишни хоҳлаётганини маълум қилди. Бу ҳақда Sputnik хабар берди.
7 август куни Қўй-Тош қишлоғида мамлакатнинг собиқ президенти Алмазбек Атамбаевни қўлга олиш учун махсус амалиёт ўтказилди.
Махсус амалиёт давомида 52 киши жабрланди, улардан 11 нафари ҳозир шифохонада. Бир нафар махсус хизмат ходими ҳалок бўлди.
«Эрталаб хавфсизлик кенгаши йиғилишида мен президентга истеъфога чиқишимни айтдим. Юз берган ҳодисада менинг ҳам айбим бор. Ўзимнинг барча 3,5 минг аскаримни жалб қилишим мумкин эди, лекин мен бундай қилмадим», — дейди Опумбаев.
Бунга қадар у «Атамбаев деярли қуролсиз йигитларга ўт очишини ҳеч ким кутмаган эди» деганди.
«Ростини айтсам, мен ўт очишга рухсат бермаганимдан афсусдаман», — дейди у.