«Дарё» ўтиб бораётган ҳафтанинг қизғин баҳсларга сабаб бўлган твитларни диққатингизга ҳавола этади.
«‘Левада-Центр’ тарафидан ўтказилган сўровномада Россиянинг 38 фоиз аҳолиси Путин 2024 йилдаги сайловдан кейин амалда қолишини истамайди, 54 фоиз россияликлар Путин ҳокимиятда қолишига рози бўлган бўлса, русларнинг 43 фоизи бошқа сиёсатчи йўқлиги учун ҳам Путин президентликда қолишига рози», – Элнур Исмоил, Bilgesam стратегик тадқиқотлар маркази координатори.
«Менинг вазифам сиз яшаётган кўчаларни хавфсизроқ қилиш. Ишнинг бошланишига полиция сафига 20 минг одам қабул қилиш керак», – Борис Жонсон, Буюк Британия бош вазири.
«Расмий маълумотларга кўра, ўтган 18 йил мобайнида Афғонистонда 2 433 нафар америкалик ҳарбий вафот этган», – Stratejik Ortak, дипломатия ва ҳарбий соҳадаги хабарлар портали.
«Эфиопияда бир кунда 350 миллион туп дарахт экилди. Мамлакат Ҳиндистон рекордини янгилади. Иқлим исиши билан курашмоқда. Табиатни муҳофаза қилмоқда. Браво, Эфиопия! Келинглар дарахт экишни бошлаймиз», – Эрик Солхейм, норвегиялик сиёсатчи.
«Трамп Путинга Сибир ўрмонларидаги ёнғинни ўчиришда ёрдам беришни таклифи билан қўнғироқ қилди. Путин ҳамкасбига таклиф учун ташаккур айтиб, ёрдамни қабул қилмади. Лекин, афтидан, қўнғироқни юқори баҳолади. Россия президенти мазкур қадамни келажакда икки мамлакат ўртасидаги тўлақонли ҳамкорликни ўрнатилишини кафолати деб баҳолади», – Кристофер Миллер, «Озод Европа» радиоси мухбири.
«Яқинда муваффақият ва ривожланишни қўллаб-қувватлашни ёки барчасини унутишни сайлаш вақти келади. Бизни яна бутун дунёда ҳурмат қила бошлашди. Шундай кайфиятда давом эт! Мен сенга ҳеч қачон панд бермайман деб айтдим ва мен ҳеч қачон бундай қилмайман. Биз фақат биргаликдагина каттароқ, яхшироқ ва кучлироқ бўламиз», – Дональд Трамп, АҚШ президенти.
«Путиннинг Брегансонга ташрифига 15 кун қолганида Париж матбуоти ёзги сукунатга қарамасдан ҳужумни бошлади», – Арно Дюбен, Observo француз-рус таҳлилий маркази директори.
«Миллий даромадининг катта қисмини ҳарбий харажатларга ажратаётган биринчи 15 мамлакатдан 10 таси Яқин Шарқ ва Шимолий Африка мамлакатларидадир», – Алпер Учоқ, Германия турк саноати ва бизнес ассоциацияси вакили.
«Ўзбекистон энди маҳкумлар қийноққа солинадиган юрт бўлмаслиги керак, дейди Стив Свердлов, Human Rights Watch ташкилоти вакили. Ташкилот бу борадаги ислоҳотлар давом этади, деган умидда», – Навбаҳор Имомова, «Америка Овози» мухбири.
«Бугунги кунда ҳар қачонгидан-да бирлашиш ва эришилган ютуқларни ҳимоя қилиш зарурати бор. Биз орзуимизни амалга оширдик ва бизда келажакни катта умид билан қуриш имкони мавжуд. Мен Боливиянинг яхши президенти бўлишни эмас, аксинча, тарихдаги энг яхши Боливиянинг президенти бўлишни истайман», – Эво Моралес, Боливия президенти.
«Душанба куни Ҳиндистон Кашмирни мухторият мақомидан маҳрум қилди. Гарчи кўплаб вазирлар Нарендра Модининг ушбу сиёсий қадамини олқишлашган бўлса-да, айрим сиёсий таҳлилчилар бу сиёсий қадамни Ҳиндистоннинг дунёвий ўзлигига қилинган яна бир ҳужум дея танқид қилди», – The New York Times нашри.
Жаҳонгир Эргашев тайёрлади.
Изоҳ (0)