“Daryo” o‘tib borayotgan haftaning qizg‘in bahslarga sabab bo‘lgan tvitlarni diqqatingizga havola etadi.
“‘Levada-Sentr’ tarafidan o‘tkazilgan so‘rovnomada Rossiyaning 38 foiz aholisi Putin 2024-yildagi saylovdan keyin amalda qolishini istamaydi, 54 foiz rossiyaliklar Putin hokimiyatda qolishiga rozi bo‘lgan bo‘lsa, ruslarning 43 foizi boshqa siyosatchi yo‘qligi uchun ham Putin prezidentlikda qolishiga rozi”, – Elnur Ismoil, Bilgesam strategik tadqiqotlar markazi koordinatori.
“Mening vazifam siz yashayotgan ko‘chalarni xavfsizroq qilish. Ishning boshlanishiga politsiya safiga 20 ming odam qabul qilish kerak”, – Boris Jonson, Buyuk Britaniya bosh vaziri.
“Rasmiy ma’lumotlarga ko‘ra, o‘tgan 18 yil mobaynida Afg‘onistonda 2 433 nafar amerikalik harbiy vafot etgan”, – Stratejik Ortak, diplomatiya va harbiy sohadagi xabarlar portali.
“Efiopiyada bir kunda 350 million tup daraxt ekildi. Mamlakat Hindiston rekordini yangiladi. Iqlim isishi bilan kurashmoqda. Tabiatni muhofaza qilmoqda. Bravo, Efiopiya! Kelinglar daraxt ekishni boshlaymiz”, – Erik Solxeym, norvegiyalik siyosatchi.
“Tramp Putinga Sibir o‘rmonlaridagi yong‘inni o‘chirishda yordam berishni taklifi bilan qo‘ng‘iroq qildi. Putin hamkasbiga taklif uchun tashakkur aytib, yordamni qabul qilmadi. Lekin, aftidan, qo‘ng‘iroqni yuqori baholadi. Rossiya prezidenti mazkur qadamni kelajakda ikki mamlakat o‘rtasidagi to‘laqonli hamkorlikni o‘rnatilishini kafolati deb baholadi”, – Kristofer Miller, “Ozod Yevropa” radiosi muxbiri.
“Yaqinda muvaffaqiyat va rivojlanishni qo‘llab-quvvatlashni yoki barchasini unutishni saylash vaqti keladi. Bizni yana butun dunyoda hurmat qila boshlashdi. Shunday kayfiyatda davom et! Men senga hech qachon pand bermayman deb aytdim va men hech qachon bunday qilmayman. Biz faqat birgalikdagina kattaroq, yaxshiroq va kuchliroq bo‘lamiz”, – Donald Tramp, AQSh prezidenti.
“Putinning Bregansonga tashrifiga 15 kun qolganida Parij matbuoti yozgi sukunatga qaramasdan hujumni boshladi”, – Arno Dyubyen, Observo fransuz-rus tahliliy markazi direktori.
“Milliy daromadining katta qismini harbiy xarajatlarga ajratayotgan birinchi 15 mamlakatdan 10 tasi Yaqin Sharq va Shimoliy Afrika mamlakatlaridadir”, – Alper Uchoq, Germaniya turk sanoati va biznes assotsiatsiyasi vakili.
“O‘zbekiston endi mahkumlar qiynoqqa solinadigan yurt bo‘lmasligi kerak, deydi Stiv Sverdlov, Human Rights Watch tashkiloti vakili. Tashkilot bu boradagi islohotlar davom etadi, degan umidda”, – Navbahor Imomova, “Amerika Ovozi” muxbiri.
“Bugungi kunda har qachongidan-da birlashish va erishilgan yutuqlarni himoya qilish zarurati bor. Biz orzuimizni amalga oshirdik va bizda kelajakni katta umid bilan qurish imkoni mavjud. Men Boliviyaning yaxshi prezidenti bo‘lishni emas, aksincha, tarixdagi eng yaxshi Boliviyaning prezidenti bo‘lishni istayman”, – Evo Morales, Boliviya prezidenti.
“Dushanba kuni Hindiston Kashmirni muxtoriyat maqomidan mahrum qildi. Garchi ko‘plab vazirlar Narendra Modining ushbu siyosiy qadamini olqishlashgan bo‘lsa-da, ayrim siyosiy tahlilchilar bu siyosiy qadamni Hindistonning dunyoviy o‘zligiga qilingan yana bir hujum deya tanqid qildi”, – The New York Times nashri.
Jahongir Ergashev tayyorladi.
Izoh (0)