Давлат хизматлари марказларида навбат кутиш батамом йўқ қилинади, деб хабар бермоқда ЎзА.
Бу ҳақда Давлат хизматлари агентлиги директори Халилулло Тўрахўжаев агентлик ҳайъат мажлисида қайд этган. Мажлисда хизмат сифатини янада ошириш, керак бўлса аҳолига суткасига 24 соат хизматда туриш зарурлиги айтилган.
«Аҳолига янада яқин бўлиш учун маҳаллаларда филиаллар ташкил этилганини давлатимиз раҳбари ҳам маъқуллади. Бу халқимизга янада кенгроқ қулайлик яратишини ҳисобга олиниб, келгусида тегишли қарор асосида барча маҳаллаларда давлат хизматлари марказлари ташкил этилиши мумкин», — деган Халилулло Тўрахўжаев.
Шунингдек, Давлат хизматлари марказлари ходимлари «Мамнун мижоз» лойиҳаси асосида хизмат кўрсатиши йўлга қўйилади. Бунинг учун ходимларнинг хизмат кўрсатиш тамойиллари ишлаб чиқилиб, расман тасдиқланган.
Изоҳ (0)