Аввал хабар берганимиздек, Шавкат Мирзиёев 2 август куни кичик бизнес ва тадбиркорликни ривожлантириш бўйича амалга оширилаётган ишлар таҳлилига бағишланган видеоселектор йиғилиши ўтказди.
Йиғилишда давлат раҳбари Бош вазир Абдулла Арипов ва Президент Администрацияси раҳбари Зайнилобиддин Низомиддиновга кадрлар масаласида топшириқ берган.
«Арипов билан Низомиддиновга топшириқ, қайси вилоят ҳокимини ишдан олишни таклиф беринг. Менга керак эмас! Яна бир марта айтяпман, бу сиёсат билан биз узоққа бора олмаймиз — зўравонлик сиёсати билан! Агар зўравонлик сиёсати зўр бўлганда 30 йилда зўр бўлиб кетардик», — дея таъкидлаган давлат раҳбари.
Шавкат Мирзиёев, хусусан, Хоразм, Қашқадарё ва Фарғона вилоятлари ҳокимларининг бу борадаги ишларини «хиёнат» деб баҳолаган.
«Бу — маданиятсизлик, Эрмановнинг қилган қилиғи, Рўзиевнинг қилган хиёнати... Рўзиев қилган иш — хиёнат!
Учаласи интернетда мурожаат қилсин. Рўзиев ҳам, Эрманов ҳам, Ғаниев ҳам. Бутун элга айцин, ‘менинг аҳмоқлигим учун, менинг хиёнатим учун Ўзбекистонни бунақа ўйламанглар, мен аҳмоқман, мен хиёнат қилганман, миллат эмас, мамлакат эмас, давлат эмас’, деб.
Керак бўлса, бутун блогерларнинг ҳаммасини йиғсин улар. Йиғсин, блогерларга ўзлари ҳисобот берсин», — деб топшириқ берган Президент.
Изоҳ (0)