Ўзбекистонда ОАВ ва блогерларни қўшимча қўллаб-қувватлаш билан боғлиқ нормалар ишлаб чиқилмоқда. Бу ҳақда Ахборот ва оммавий коммуникациялар агентлиги директор ўринбосари Саида Мирзиёева маълум қилган.
Саида Мирзиёевага кўра, қонун ҳужжатларига қуйидагиларни назарда тутувчи ўзгартиш ва қўшимчалар киритиш масаласи кўриб чиқилмоқда:
Журналистнинг профессионал фаолиятига тўсқинлик қилиш, унинг сўрови асосида ахборотни (ҳужжатларни) тақдим этмаслик, ўз вақтида тақдим этмаслик ёхуд била туриб ёлғон ёки нотўғри ахборот тақдим этишда ифодаланган тарзда тўсқинлик қилиш, шунингдек, журналистга босим ўтказиш, унинг журналистлик фаолиятига аралашганлик учун жавобгарлик киритиш;
Блогерларга журналистлар каби ҳуқуқлар бериш.
Шу муносабат билан «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» қонун лойиҳаси жамоатчилик муҳокамасига қўйилган. Унда Маъмурий жавобгарлик тўғрисидаги кодекс ва «Ахборотлаштириш тўғрисида»ги қонунга тегишли ўзгартиш ва қўшимчалар таклиф этилган.
Эслатиб ўтамиз, олдинроқ Президент Шавкат Мирзиёев Хоразм, Қашқадарё ва Фарғона вилоятлари ҳокимларига «снос»лар масаласида блогерлар олдида ҳисобот беришни топширганди.
Изоҳ (0)