Davlat xizmatlari markazlarida navbat kutish batamom yo‘q qilinadi, deb xabar bermoqda O‘zA.
Bu haqda Davlat xizmatlari agentligi direktori Xalilullo To‘raxo‘jayev agentlik hay’at majlisida qayd etgan. Majlisda xizmat sifatini yanada oshirish, kerak bo‘lsa aholiga sutkasiga 24 soat xizmatda turish zarurligi aytilgan.
“Aholiga yanada yaqin bo‘lish uchun mahallalarda filiallar tashkil etilganini davlatimiz rahbari ham ma’qulladi. Bu xalqimizga yanada kengroq qulaylik yaratishini hisobga olinib, kelgusida tegishli qaror asosida barcha mahallalarda davlat xizmatlari markazlari tashkil etilishi mumkin”, — degan Xalilullo To‘raxo‘jayev.
Shuningdek, Davlat xizmatlari markazlari xodimlari “Mamnun mijoz” loyihasi asosida xizmat ko‘rsatishi yo‘lga qo‘yiladi. Buning uchun xodimlarning xizmat ko‘rsatish tamoyillari ishlab chiqilib, rasman tasdiqlangan.
Izoh (0)