АҚШнинг Ўзбекистондаги собиқ элчиси Памела Спратлен хоним Жаслиқ қамоқхонасининг ёпилишини «ўтмиш билан ришталарни узиш учун ўта кучли ишора» деб атади. У бу ҳақда Twitter’даги саҳифасида ёзиб қолдирган.
Эслатиб ўтамиз, Президент Шавкат Мирзиёев томонидан 2 август куни имзоланган қарорга мувофиқ, Қорақалпоғистоннинг Жаслиқ қўрғончасида жойлашган Қорақалпоғистон ИИВнинг 19-сон ихтисослаштирилган жазони ижро этиш муассасаси фаолияти тугатилади.
Жуда ҳам рамзий аҳамиятга эга қарор! Модомики Жаслиқ тўлиқ ёпилар экан (у умуман қайта очилмаслиги лозим), бу воқеа ўтмиш билан ришталарни узиш учун ўта кучли ва зарур ишора бўлади.Янги Ўзбекистон учун ундай масканлар керак эмас ва ҳукумат буни англаб етгани ниҳоятда муҳимдир.
Памела Спратлен, АҚШнинг Ўзбекистондаги собиқ элчиси
Изоҳ (0)