Таниқли блогер Умид Ғофуров Ўзбекистон халқи, ҳоким ва вазирларга мурожаат йўллаб, Бухорода бюджет ташкилотлари ходимлари Ҳазрати Имом қабристонидаги ободонлаштириш, қурилиш ва таъмирлаш ишларига жалб этилаётганини маълум қилган эди. Блогернинг ушбу видеомурожаатидан сўнг Бандлик ва меҳнат муносабатлари вазирлиги ҳолат юзасидан текширув бошлади.
Умид Ғофуровнинг ёзишича, мажбурий меҳнатга жалб қилинганлар орасидан унинг онаси ҳам бор. Ушбу хабар ОАВда эълон қилингач, унинг онаси ҳокимиятга чақиртирилган ва хабарларга қарши матнни имзолашни сўрашган.
«Ҳозир онамни ҳокимиятга чақириб, бу хабарларга қарши матнни имзолашни сўрашибди. Ҳамма ихтиёрий келган экан 7 эрталабдан ишга. Ўқитувчилар ҳам, шифокорлар ҳам. Қайси ақл билан шундай деяпсизлар? Мард бўлиб тан олмайсанми айбингни?
Камида ОITС маркази, 23 интернат, поликлиникалардан келиб ишлаганларни биламан.
Шу қабристонда ким мажбурий ишлатилган бўлса, менга ёзсин. Ҳамма ихтиёрий ишлаган дейишяпти. Сизнинг ҳақларингизни талаб қилишимда менга ёрдамлашинг!», — деб ёзади Умид Ғофуров.
Изоҳ (0)