«Ўзагролизинг» АЖ кузатув кенгашининг 12 июлдаги мажлис баёнига асосан, компанияга янги бошқарув раиси ва унинг ўринбосари тайинланди. Бу ҳақда жамият матбуот хизмати хабар берди.
Унга кўра, Акром Сулаймонов «Ўзагролизинг» АЖ бошқарув раиси этиб тайинланган. Сулаймонов шу кунга қадар «Ўзмелиомашлизинг» давлат унитар корхонаси ижро этувчи директори лавозимида ишлаб келган.
«Ўзагролизинг» АЖ бошқарув раисининг ўринбосари этиб Бурхан Каримов тайинланган. Унга қадар «Ўзмашлизинг» МЧЖ директори лавозимида ишлаб келган.
Маълумот учун, «Ўзагролизинг» акциядорлик лизинг компанияси Вазирлар Маҳкамасининг 1999 йил 30 октябрдаги қарори билан ташкил этилган бўлиб, қишлоқ хўжалиги техникаларини лизинг асосида етказиб бериш билаш шуғулланади
Изоҳ (0)