Ўзбекистонда Сиэтл—Тошкент биродорлашган шаҳарлар уюшмаси вице-президенти ва унинг асосчиларидан бири бўлган профессор Ильза Лауде Сиртаутас 92 ёшда вафот этгани чуқур қайғу билан қабул қилинди. Ташқи ишлар вазири Абдулазиз Комилов шу муносабат билан унинг яқинларига таъзия билдирди.
Таъзия матнида, жумладан, шундай дейилади:
«Мустақилликнинг биринчи кунлариданоқ Ильза хоним Америка Қўшма Штатлари билан илмий, академик ва маданий-гуманитар алоқаларни ўрнатишда ҳамда АҚШда ўзбек тили ва адабиётини кенг тарғиб қилишда ўзининг улкан ҳиссасини қўшди.
Вашингтон Университети ва Ўзбекистон олий таълим муассасасалари ўртасида илк ўқув алмашинувларини йўлга қўйиш ташаббуси билан чиқди.
2013 йилда Вашингтон университети магистрларининг Ўзбекистон ва Марказий Осиёнинг бошқа давлатларига мунтазам ўқув сафарларини ташкил этиш бўйича И.Сиртаутас номидаги стипендия дастурига асос солди.
Уюшма асосчиси ва раҳбари сифатида у Сиэтл шаҳрида Тошкент боғини ташкил этишга раҳнамолик қилди.
Шу муносабат билан уюшманинг барча аъзолари ҳамда Ильза хонимнинг яқинларига чуқур ва самимий таъзияни изҳор этамиз».
Изоҳ (0)