O‘zbekistonda Sietl—Toshkent birodorlashgan shaharlar uyushmasi vitse-prezidenti va uning asoschilaridan biri bo‘lgan professor Ilza Laude Sirtautas 92 yoshda vafot etgani chuqur qayg‘u bilan qabul qilindi. Tashqi ishlar vaziri Abdulaziz Komilov shu munosabat bilan uning yaqinlariga ta’ziya bildirdi.
Ta’ziya matnida, jumladan, shunday deyiladi:
“Mustaqillikning birinchi kunlaridanoq Ilza xonim Amerika Qo‘shma Shtatlari bilan ilmiy, akademik va madaniy-gumanitar aloqalarni o‘rnatishda hamda AQShda o‘zbek tili va adabiyotini keng targ‘ib qilishda o‘zining ulkan hissasini qo‘shdi.
Vashington Universiteti va O‘zbekiston oliy ta’lim muassasasalari o‘rtasida ilk o‘quv almashinuvlarini yo‘lga qo‘yish tashabbusi bilan chiqdi.
2013-yilda Vashington universiteti magistrlarining O‘zbekiston va Markaziy Osiyoning boshqa davlatlariga muntazam o‘quv safarlarini tashkil etish bo‘yicha I.Sirtautas nomidagi stipendiya dasturiga asos soldi.
Uyushma asoschisi va rahbari sifatida u Sietl shahrida Toshkent bog‘ini tashkil etishga rahnamolik qildi.
Shu munosabat bilan uyushmaning barcha a’zolari hamda Ilza xonimning yaqinlariga chuqur va samimiy ta’ziyani izhor etamiz”.
Izoh (0)