Россиянинг Красноярск ўлкаси губернатори Александр Усс айрим ҳолатларда ўрмон ёнғинларига қарши курашиш зарарли ҳам эканлигини билдирди. Бу ҳақда Meduza хабар бермоқда.
«Ҳарорат баландроқ бўлиши учун айсбергни чўктириш ҳеч кимнинг хаёлига келмайди, тўғрими? Назорат ҳудудидаги ўрмон ёнғинларини ҳам шунга ўхшатиш мумкин. Бу табиатнинг одатий ҳолати ва унга қарши курашишдан маъно йўқ, ҳатто зарарли ҳам», — деди губернатор Сибирь федерал университети талабалари билан учрашув чоғида.
Маълумот учун, ҳозирда Сибирнинг 10 та минтақаси, жумладан, Красноярск ўлкасида йирик ўрмон ёнғинлари кузатилмоқда. Уларнинг умумий майдони 3 миллион гектарга яқинлашди.
Изоҳ (0)