Тошкент шаҳар ИИББ фуқаролардан бири томонидан видеога туширилган Damas русумли автомобиль ва ЙПХ патрул автомобили иштирокидаги ҳодиса бўйича изоҳ берди.
Матбуот хизматига кўра, видеога туширилган ҳодиса 28 июль куни соат 17:00 да Олмазор туманида рўй берган. Damas ҳайдовчиси Сағбон кўчасида қарама-қарши йўлдан ҳаракатланганида ЙПХ инспекторининг тўхташ ҳақидаги ишорасига бўйсинмаган.
Шундан сўнг ички ишлар органлари ходими тегишли тартибда қоидабузарни та’қиб қилишни бошлаган. Бевосита раҳбарининг кўрсатмасига биноан, бошқа фуқаролар учун хавф туғдирмаслик мақсадида, ЙПХ инспектори машинани та’қиб қилишни тўхтатган.
Аммо қоидабузар ҳайдовчи йўл ҳаракати қоидаларини қўпол тарзда бузиб, бошқа инсонларнинг ҳаётини хавф остига қўйган ҳолда Кичик халқа автомобиль йўли ва Сағбон кўчалари чорраҳасида яширинган.
Damas Н.Ф. номига расмийлаштирилганлиги, бошқарув учун ишончнома эса тўрт нафар фуқарога берилганлиги маълум бўлди. Ҳозирги вақтда машинани ким бошқарганлигига аниқлик киритилмоқда.
Изоҳ (0)