Марказий ҳарбий округи тасарруфидаги Навоий гарнизонида Сафарбарлик чақируви резерви баталёни хизматчилари учун янги ҳарбий қисм қурилмоқда. Бу ҳақда Марказий ҳарбий округ матбуот хизмати маълум қилди.
Навоий вилояти ҳарбий маъмурий сектор билан ҳамкорликда 11 та ҳарбий ва ижтимоий объектларда қайта таъмирланиш ишлари амалга ошириляпти. 5 та бино эса янгидан қад ростламоқда. Бундан ташқари, намунали саф майдони, маданият маркази, спорт шаҳарчаси, сайлгоҳ ҳамда ҳарбий қисм атрофида девор барпо этилмоқда.
Шунингдек, жанговар техникалар ҳаракатланиши учун 20 сантиметр қалинликдаги бетон йўллар қуриляпти.
«Зарафшон голден гроуп» компаниясининг 200 нафардан зиёд ишчи ва хизматчилари, мастер ва иш юритувчилар ҳамда 20 га яқин махсус техникалар томонидан қурилиш ишлари жадаллик билан олиб борилмоқда.
Май ойида бошланган бунёдкорлик ишларига 6 миллиард сўм маблағ сарфланган.
Каттақўрғон шаҳридаги ҳарбий қисмда СЧР баталёнида хизматни ўтаётган навоийлик ёшлар учун бугун айнан ўзлари истиқомат қилаётган шаҳар марказидаги Тинчлик мавзесида 27 ўқув кун давомида ҳарбий тайёргарликдан ўтишади.
Ҳозирда аскарлар ётоқхонаси, ўқув биноси ҳамда бошқарув штабида қурилиш ишлари якунлангани боис, СЧР баталёни Каттақўрғон шаҳридаги ҳарбий қисмдан Навоий вилоятига кўчирилган.
Маълумот ўрнида, бир ойлик сафарбарлик чақируви резерви хизматининг тўлов нархлари Ўзбекистон Республикаси Президентининг «Иш ҳақи, пенсиялар, стипендиялар ва нафақалар миқдорини ошириш тўғрисида» ги фармонига биноан энг кам иш ҳақининг 20 баробари қилиб белгиланган.
Изоҳ (0)