Равшан Ғуломов Ўзбекистон Президентининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси этиб тайинланди.
Ушбу маслаҳатчи лавозими Вячеслав Голишев ишдан кетганидан бери бўш эди (маслаҳатчи бўлмаса-да, 2017 йилдан бери Галина Саидова маслаҳатчи ўринбосари сифатида ишлаб келаётганди).
Қайд этишларича, Равшан Ғуломовнинг лавозими сўнгги икки йилда тўртинчи марта ўзгармоқда. У 2017 йил апрелидан 2018 йил августигача Давлат рақобат қўмитаси раиси, 2018 йилдан 2019 йил бошигача Вазирлар Маҳкамасида ахборот-таҳлил департаментининг мудири, 2019 йилнинг январидан бери эса Иқтисодиёт ва саноат вазирининг биринчи ўринбосари сифатида ишлаб келаётган эди.
Изоҳ (0)