Ravshan G‘ulomov O‘zbekiston Prezidentining iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha maslahatchisi etib tayinlandi.
Ushbu maslahatchi lavozimi Vyacheslav Golishev ishdan ketganidan beri bo‘sh edi (maslahatchi bo‘lmasa-da, 2017-yildan beri Galina Saidova maslahatchi o‘rinbosari sifatida ishlab kelayotgandi).
Qayd etishlaricha, Ravshan G‘ulomovning lavozimi so‘nggi ikki yilda to‘rtinchi marta o‘zgarmoqda. U 2017-yil aprelidan 2018-yil avgustigacha Davlat raqobat qo‘mitasi raisi, 2018-yildan 2019-yil boshigacha Vazirlar Mahkamasida axborot-tahlil departamentining mudiri, 2019-yilning yanvaridan beri esa Iqtisodiyot va sanoat vazirining birinchi o‘rinbosari sifatida ishlab kelayotgan edi.
Izoh (0)