Жанубий Кореянинг CK Bluebell кемасига Сингапур бўғози яқинида қуролланган одамлар ҳужум қилди, деб хабар бермоқда «ТАСС».
Қайд этилишича, ҳужум тахминан 30 дақиқа давом этган, шундан сўнг қароқчилар ўзлари билан қарийб 13 минг доллар нақд пул ва денгизчиларнинг айрим буюмлари, хусусан, мобил телефонлар, кийим-кечакларини олиб яширинган. Қаршилик кўрсатмоқчи бўлган экипаж аъзоларининг айримлари енгил тан жароҳати олган.
Хабарда айтилишича, кема ҳужумдан сўнг рейсни давом эттирган. Жанубий Кореянинг Денгиз ва балиқчилик хўжалиги вазирлиги содир бўлган воқеа ҳақида мамлакатнинг бошқа кемаларини огоҳлантирган.
Изоҳ (0)