17 июль куни «Самарқанд шаҳрида меҳнат инспекторлари мажбурий меҳнатга жалб этилди» номи остида мақола эълон қилинганди. Бандлик ва меҳнат муносабатлари вазирлиги ушбу мақола юзасидан текширув ишларини бошлаб юборди.
«Daryo» электрон интернет ‘Самарқанд шаҳрида меҳнат инспекторлари мажбурий меҳнатга жалб этилди’ номли сарлавҳа билан Самарқанд шаҳар аҳоли бандлигига кўмаклашиш маркази ходимларининг мажбурий меҳнатга жалб қилинганликлари ҳақидаги мақола чоп этилди.
Мақоладаги маълумотларга кўра, 8 июлдан бошлаб Самарқанд шаҳар аҳоли бандлигига кўмаклашиш маркази раҳбарига ҳокимлик томонидан ушбу кўчада қурилиш-ободонлаштириш ишлари олиб бориш бўйича топшириқ берилган.
Бандлик ва меҳнат муносабатлари вазирлиги мазкур мақолада келтирилган ҳолатларни жойига чиққан ҳолда тўлиқ ва ҳар томонлама ўрганиш учун вазир ўринбосари вазифасини бажарувчи Н.Ёқубов бошчилигида ишчи гуруҳ томонидан хизмат текширувини ўтказиш тўғрисида қарор қабул қилди», — дейилади хабарда.
Текширув натижалари хусусида яна батафсил ахборот берилиши таъкидлаб ўтилди.
Изоҳ (0)