Самарқанддаги 20 та истироҳат боғида йил якунигача бепул Wi-Fi ҳудуди ташкил этилади. Бу ҳақда Ахборот технологиялари ва коммуникацияларини ривожлантириш вазирлиги Самарқанд вилоят ҳудудий бошқармаси бошлиғи Н.Эшназаров маълум қилди, дея хабар беради Zarnews.
Қайд этилишича, бугунги кунда вилоятда мобил алоқа абонентлари сони 2 миллион 126 мингтани, IPTV хизмати фойдаланувчилари сони 4,5 мингтани ташкил қилмоқда. Интернетдан фойдаланувчилар 850 мингдан ортиқ.
2018 йил давомида вилоят бўйича 240 километр оптиқ толали алоқа кабеллари тортилган бўлса, 2019 йилнинг 6 ойида бу кўрсаткич 335 километрга етди.
«Обод қишлоқ» дастури доирасида 9 та қишлоқда 11 та 3G ва 4G қурилмалари ўрнатилди ҳамда ушбу ҳудудлар сифатли мобил алоқа хизмати билан таъминланди.
Йил бошидан буён «Самарқанд» халқаро аэропорти, темир йўл вокзали, «Улуғбек» автошоҳбекати, шунингдек, ўндан ортиқ тарихий обида ва зиёратгоҳда бепул Wi-Fi ҳудудлари ташкил этилди. 20 та истироҳат боғида йил якунигача шундай ҳудудлар ишга тушади.
Изоҳ (0)