Тошкентнинг Яшнобод тумани Бойқўрғон кўчаси 2-уйда жойлашган «Бизнес юнайтед» МЧЖга қарашли қурилиш ишлари олиб борилаётган ҳудудидаги қурилиш вагонида ёнғин юз берди.
Давлат ёнғин хавфсизлиги хизматидан маълум қилишларича, ҳодиса 15 июль куни содир бўлган. Воқеа жойига 2 та ёнғин ўчириш техникаси юборилган ва ёнғин бартараф қилинган.
Ёнғин оқибатида қурилиш вагонининг ички қисмининг 25 квадрат метр майдони ёнган. Ҳалок бўлганлар ва тан жароҳати олганлар йўқ. Ҳозирда ёнғин сабаби ва моддий зарар миқдори аниқланмоқда.
Изоҳ (0)