Ўзбекистонда олий ўқув юртларига кириш учун ҳужжат топширган абитуриентлар сони 960 минг кишидан ошди. Бу ҳақда Давлат тест маркази маълум қилди.
Шундан кундузги таълим шаклига 672 016, кечки таълимга 11 947, сиртқи таълим учун 276 880 та ариза берилган.
Энг кўп аризалар сони Самарқанд давлат университетида қайд этилди — 65605 нафар абитуриент. Шунингдек, Андижон давлат университети (41832) ва Қарши давлат университети (40538) ҳам абитуриентлар томонидан энг кўп танланаётган олий таълим муассасалари қаторида қайд этилди.
Абитуриентлар энг кўп танлаётган йўналишлар сифатида «Бошланғич таълим ва спорт тарбиявий иш« (76383 киши), «Мактабгача таълим« (74549) ва «Жисмоний маданият« (41352) келтирилган.
Изоҳ (0)