Бухоролик Беҳзодбек Йўлчиев айни пайтда 7 ёшда. Унга 2017 йилда ўткир лимфобластли лейкоз ташхиси қўйилган. Шундан сўнг у икки йил давомида Республика Гемотология ва қон қуйиш илмий текшириш институтининг 1-болалар бўлимида асосий ва қўшимча кимётерапия муолажаларини олиб даволанган.
Ота-онаси Беҳзодбекни ҳар икки ойда пойтахтдаги Гематология марказига олиб бориб, текширтириб турган. Аста-секин аҳволи ижобий томонга ўзгараётган эди. Бироқ июнь ойида унинг яна бурни қонаб, гемоглабин миқдори меъёридан пасайиб, аҳволи оғирлашиб қолган. Мутахассислар Беҳзодбекдан қайта таҳлил олганда, касаллиги яна қайталангани маълум бўлган.Унга лейкознинг қайталанган оғир тури ташхиси қўйилган. Шифокорларнинг айтишича, охирги чора тезлик билан Беҳзодбекка илик кўчириш операциясини ўтказиш керак экан. Бироқ операция чет элда қилингани боис, нархи жуда қиммат тураркан.
— «Уч йилдан буён оққон билан курашиб келяпмиз. Шунча пайт бутун топган-тутганимиз, етмаганига қариндошлардан қарз ҳавола қилиб даволатган эдик. Аммо энди операция нархи ва дориларни жуда қимматлиги, бундан ташқари қарзларимиз катталиги туфайли моддий томондан анча қийналиб қолдик. Дунёда онани яратмасин экан. Очиғи, унга боқиб, кўнглим оғрийди. Ўғлимнинг ўртоқлари копток тепиб, кўчадан бери келмайди. Аммо мени болам неча йиллардан буён дарддан боши чиқмаяпти. Унинг буткул тузалиб кетиши операцияга боғлиқ. Бироқ бунга бизда етарли маблағ йўқ. Яхши одамларнинг моддий ёрдамига жуда муҳтожмиз», — дейди Беҳзодбекнинг онаси биз билан суҳбатда.
Барча саховатпеша инсонлардан Беҳзодбекнинг соғайиб кетишида имкон қадар холис моддий ёрдам беришларини сўраб қоламиз!
Хайрия қилмоқчи бўлганлар учун маълумотлар:
Пластик карта орқали (Click, Payme)
Отаси: Йўлчи Муродов номига очилган«Агробанк»: 8600 0423 6682 6989
Хориждан банкдан маблағ юбормоқчи бўлганлар учун отасининг паспорт маълумотлари:
Йўлчи МуродовПаспорт рақами: АА 3603878Бемор Беҳзодбекнинг отаси Йўлчи Муродовнинг телефон рақами:+998933946366
Изоҳ (0)