Самарқанддаги Мустақил Давлатлар Ҳамдўстлиги Туризм Кенгашининг навбатдаги йиғилиши ҳамда биринчи анъанавий туристик ярмаркаси арафасида Туризмни ривожлантириш давлат қўмитаси томонидан «Барча учун саёҳат» – имконияти чекланган шахслар орасида туризмни қўллаб-қувватлаш лойиҳасини амалга ошириш учун хайрия акцияси ўтказилди. Бу ҳақда «Дарё» мухбири Севара Нишонова хабар берди.
Лойиҳа доирасида Ўзбекистон ногиронлар жамиятининг 48 вакилига Тошкентдан Самарқандга икки кунлик тур ташкил этилди.
Имконияти чекланган инсонлар Туризмни қўллаб-қувватлаш лойиҳаси тақдимотида сўзга чиққан Ўзбекистон Республикаси Туризмни ривожлантириш давлат қўмитаси раиси в.в.б. Абдулазиз Аққулов Самарқандда МДҲ давлатлари Туризм Кенгашининг йиғилишининг очилиш маросими олдидан ногиронларни қўллаб-қувватлашга хайрия маблағларини ажратиш учун ҳисоб рақамини расман эълон қилди.
Ҳисобга келиб тушган хайрия маблағлари қуйидаги тарзда тақсимланади:
50% - ногирон шахсларга саёҳат ташкил этиш;
25% - имконияти чекланган шахслар учун жойларда туризм инфратузилмалари объектларини мослаштириш;
25% - имконияти чекланган шахсларни ижтимоий қўллаб-қувватлаш (тадбиркорлик фаолияти, ногиронлик аравачалари ва бошқа махсус ускуналар).
Имконияти чекланган шахслар учун қулайликлар яратишда Ўзбекистон ушбу соҳада дунёда етакчи бўлган Европа мамлакатлари тажрибасини ўрганади.
Маълумот учун, Ўзбекистонда 2019 йил 1 январь ҳолатига 709 000 нафар ногиронлиги бўлган кишилар бор.
Изоҳ (0)