Мудофаа вазирлигига қарашли Тошкент вилоятида жойлашган Нурафшон тумани Аранча қўрғони десантлаштириш дала-ўқув майдонида 121 нафар десантчи 164 та сакраш амалиётини муваффақиятли бажарди. Бу ҳақда Мудофаа вазирлиги ахборот ва оммавий коммуникациялар департаменти хабар берди.
Таъкидланишича, десантчилар ичидан 24 нафари илк бор парашют билан сакраган. Улар 2019 йилнинг сентябрь ойида Қуролли Кучлар миқёсида «Фарғона» полигонида ўтказилиши режалаштирилган парашют спорти мусобақасига қизғин тайёргарлик кўрмоқда.
Сакраш амалиёти «Д-6», «Беркут-2», «Мальва аксиома» каби парашютларда бажарилган.
Шундан сўнг десантчилар учун дала шароитида ҳозирланган ахборот маълумот маркази, психологик зўриқишларни бартараф этиш пункти, тиббий хизмат хонаси, ма ’навий ҳордиқ чиқариш хонаси, ювиниш жойи ва дала ошхонаси кўздан кечирилган.
Изоҳ (0)