Самарқанд вилоятидаги «Ургут» эркин иқтисодий зонаси (ЭИЗ)да гилам маҳсулотлари учун полипропилен ип ишлаб чиқарувчи «Urg-Taj» биринчи қўшма корхонаси иш бошлайди. Бу ҳақда «Asia-Plus» хабар берди.
Ушбу қўшма корхона 2,9 миллион доллар миқдорда маҳсулот ишлаб чиқариши кутилмоқда.
«Ургут» эркин иқтисодий зонасида қарийб 2 йилдан буён барча тадбиркорлар, шу жумладан хориждан келганлар учун инвестиция миқдорига қараб солиқ ва божхона имтиёзлари берилмоқда.
«Ушбу зонадаги тадбиркорлар 3 йилдан 10 йилгача даромад солиғи ва пенсия бадалидан ташқари 10 турдаги солиқлардан озод қилинади. Икки йил давомида ‘Ургут’ ЭИЗ 232 миллион долларлик лойиҳани амалга ошираётган 60 дан ортиқ хорижлик инвесторларни жалб қилган», — деб таъкидлаган Ургут тумани ҳокими ўринбосари Ғайрат Абдураҳмонов.
Изоҳ (0)