Флоридада Дэн Уотсот дрон туфайли ўз фарзандларини акула ҳужумидан сақлаб қолди, деб ёзмоқда Forum Daily.
Маълум бўлишича, Дэн Уотсот пляжда ўйнаётган болаларини суратга олиш учун дрон учирган. Дрон осмонга кўтарилиши билан сувда болалари томон яқинлашаётган шарпага кўзи тушган ва унинг акула эканлигини дарров тушунган. Шундан сўнг рафиқаси томон югурган ва болаларни сувдан чиқариш кераклигини айтган.
Суратлардан бирида Дэн Уотсотлар оиласи сувдан чиқиб кетаёган вақтда сувдаги қора шарпа яқинлашаётганини кўриш мумкин.
«Акулалар ҳақида гап кетганда улар сувнинг чуқурроғида бўлади деб ўйлаймиз ва улар тизза бўйи келувчи сувда ҳам яқин келишини ўйламайсиз. Акула болаларимга яқин келганини ўйласам даҳшатга тушаман», — деган унинг рафиқаси Салли Уотсот.
Изоҳ (0)