Малайзиянинг Петалинг-Жая шаҳрида кома ҳолатида бўлган аёл фарзандли бўлди, деб хабар бермоқда The Star.
Маълум бўлишича, 2018 йилда 36 ёшли Камария Арве бош айланиши ва кўз хиралашишидан шикоят қилган. Унга бош мия ўсмаси ташхиси қўйилган ва операция ўтказилган. Шунга қарамай, у декабрь ойида комага тушиб қолган. Ўша пайтларда аёл аллақачон ҳомиладор бўлган.
Она беҳуш ҳолда ётса ҳам, бола ривожланишда давом этган. Ҳомиладорликнинг 33-ҳафтасида бола кесарча кесиш йўли билан туғдириб олинган. Чақалоқ қиз бўлиб, у соғлом туғилган ва Фара Ханис Файрол Хазири деб исм қўйилган.
Унинг отасига бемор аёли ва янги туғилган қизига ўзини бутунлай бағишлашга тўғри келган. «Рафиқамни яна ҳушига келганини кўришни хоҳлайман. Қизим бошқа болалар каби соғлом туғилганидан миннатдорман», — дейди у.
Изоҳ (0)