Бугун,

  • USD 11095.31
  • RUB 173.84
  • EUR 10772.44

Халқ депутатлари Тошкент шаҳар Учтепа туман Кенгаши депутати, ЎзЛиДеП депутатлик гуруҳи раҳбари ўринбосари Нуриддин Зайнитдинов блогер Нозим Сафаровга нисбатан ўтказилаётган босим юзасидан ўз муносабатини билдирди. Матн қуйида тўлиғича келтирилган.

Фото: Facebook

Фото: Facebook

«Буюртма» орқали Тошкент шаҳар Юнусобод тумани (ИИО ФМБ) Ички ишлар органлари ходимлари томонидан «Safari» Telegram канали асосчиси, журналист, блогер Нозим Сафаровни сиқувга олишга уриниш, қўрқитиш, ҳақоратлаш, қамаш билан таҳдид қилиб, босим ўтказилганини ўта шармандали ҳолат ва Ўзбекистонда сўз эркинлигини таъминланиши борасида шунча олиб борилаётган ишларни қайсидир маънода йўққа чиқаришга уриниш деб қабул қиламан.

Блогерлар ва Telegram каналлар админларини қўрқитиш ва уларга босим ўтказишга уринишларни кескин қоралайман ва бундай ҳолатларга йўл қўйиб бўлмайди.

Шу 1 ҳафта ичида Юнусобод тумани Ички ишлар органлари ходимлари томонидан иккинчи блогер шундай ҳолатга туширилиши хавотирли сигналдир.

Кимлар ва нима мақсадда блогерлар ва Telegram каналлар админларини қўрқитиш ва уларни жазолашга уриниб, босим ўтказаётгани тегишли Агентликнинг назоратига олинса, вазиятга ойдинлик киритилади деган умиддаман.

Бироқ бу ҳолатларга жиддий қараш лозим ва блогерларни, шунингдек, Telegram каналлар админларини ҳимоя қилишимиз шарт.

Акс ҳолда бизнинг жамиятда ўз ўрни ва овози орқали Ўзбекистон ривожига, аҳоли ва жамият муаммоларини ёритишга жиддий киришган сиёсий ва ижтимоий соҳаларда ёзадиган блогерлар ва Telegram каналлар админлари қатламини йўқ қилишга, овозини ўчириб қўйишга уринувчилар борлиги сезилиб қолди.

Нозим Сафаровга ва бошқа блогерлар, Telegram каналлар админларига нисбатан Ички ишлар ходимлари томонидан қилинган ноқонуний хатти-ҳаракатлар ва «буюртма»ларни тегишли Агентлик, прокуратура ва Ички ишлар органлари томонидан алоҳида назоратга олиниши ва қонунийлигини текширилишини сўрайман.

Уларга нисбатан қўпол муомалада бўлган, ҳақорат қилиб, қўрқитиб, босим ўтказган ходимлар ўз ишига лойиқми? Шу масалани жиддий кўриб чиқилиши керак.

Бундай Ички ишлар органлари ходими номига доғ тушириб, олиб борилаётган сиёсатни англаб етмайдиган, эскича ишлаш усулибидан қутила олмаган ходимлар борлиги ИИВ тизими имижи ва номига путр етказади деб ҳисоблайман.

Эслатиб ўтамиз, 30 июнь куни блогер Нозим Сафаров ўзининг Telegram каналида Ички ишлар ходимлари томонидан унга нисбатан ноҳақ босим ўтказилаётганини хабар қилди.

Бироз олдин эса Нозим Сафаров ўзининг Facebook’даги саҳифасида Сардор комилов билан келишиб олганини ҳамда ИИББ ходимларидан ҳеч қандай даъвоси йўқлигини маълум қилди.

Изоҳ
Asosiy yangiliklar
Маданият
Демет Ўздемир янги лойиҳада суратга тушади, Иброҳим Челиккол эски уйига кўчиб ўтди. Турк киноси янгиликлари
Спорт
Бразилия етакчи, Франция — 2, Аргентина 5-ўринда. The Guardian ЖЧ—2022 фаворитлари рўйхатини эълон қилди
Спорт
Криштиану Роналду ЖЧ—2022 вақтида Португалия терма жамоаси базасини тарк этмоқчи бўлган