Ахборот ва оммавий коммуникациялар агентлигида бўлиб ўтган матбуот анжуманида иштирок этган «Ўзнефтгаз» АЖ бошқарув раиси Баҳодир Сиддиқов Ўзбекистонда қозоқ бензини пайдо бўлиши ҳақидаги гап-сўзларга ойдинлик киритди. Бу ҳақда «Дарё» мухбири Севара Нишонова хабар берди.
Унинг сўзларига кўра, ўзбек бозори бугунги кунда барча шериклари учун очиқ, лекин шахсий манфаатлар ҳам инобатга олинади.
«Асосий мақсад – одамларга танлаш имкониятини яратиб, маҳаллий бозорни етарли даражада сифатли ёқилғи билан таъминлаш», — дейди Сиддиқов.
Қайд этилишича, Ўзбекистон шериклари учун нефть маҳсулотлари бозорини очиш бўйича чоралар кўрмоқда. Мамлакатда аллақачон юқори сифатли ёқилғи етказиб бераётган «Лукойл»нинг шохобчаси фаолият юритади, келажакда «Татнефть» компаниясининг шохобчалари фаолият юритишни бошлайди.
«Шунингдек, Қозоғистон ва Хитой автомобиль ёқилғи қуйиш шохобчалари билан ҳамкорликни йўлга қўйиш режаларимиз бор. Қозоғистондан бензин сотиб олиш ҳақидаги хабарлар илгари эришилган келишувлар натижаси. Бухоро нефтни қайта ишлаш заводига нефтни импорт қилиб, уни у ерда қайта ишлаб, хусусий маҳсулот олиш устувор вазифаларимиздан саналади. Агар қозоқ бензини бизда мавжуд бўлган нархлар билан рақобатлаша олса, бу ерда ҳеч қандай муаммо бўлмайди», - дейди Сиддиқов.
Изоҳ (0)