2019 йилнинг 25 июнь куни Туркманистонда ҳимояланмаган темир йўл ўтиш жойида юк автомобили поезд билан тўқнашиб кетиши оқибатида ҳайдовчи, Ўзбекистон фуқароси Р.А. жароҳатланган. Бу ҳақда Ўзбекистоннинг Туркманистондаги Элчихонаси берган маълумотга таяниб, Ташқи ишлар вазирлиги хабар қилади.
У Туркманистоннинг Аҳал вилояти Бозмейин шифохонасига жойлаштирилган. Унинг ҳолати қониқарли деб баҳоланмоқда.
Ҳозирги пайтда ҳодисанинг барча тафсилотларини аниқлаш ҳамда жароҳатланган фуқарога зарур гуманитар ва консуллик-ҳуқуқий ёрдам кўрсатиш учун Элчихона ходимларини касалхонага юборишни режалаштирмоқда.
Консуллик-ҳуқуқий департаменти Туркманистон ҳудудида бўлиб турган Ўзбекистон фуқароларига улар зарур ҳолатларда Ўзбекистоннинг Ашхобод шаҳридаги Элчихонасига қуйидаги телефон рақами орқали мурожаат қилишлари мумкинлигини эслатиб ўтади: +993-12-36-90-55.
Изоҳ (0)