Швейцариянинг Лозанна шаҳрида бўлиб ўтаётган Халқаро Олимпия қўмитасининг 134-сессиясида бир қатор спорт турларини Олимпиада дастурига киритиш масалалари ҳам кўриб чиқилди. Бу ҳақда МОҚ хабар берди.
Унга кўра, брейк-данс, скейтбординг, сёрфинг ва спорт алпинизми 2024 йили Парижда бўлиб ўтадиган Олимпия ўйинлари дастурига киритилди.
«Ушбу 4 спорт тури Олимпия ҳаракатини бутун дунё бўйлаб ривожланишига ўз хиссасини қўша олади. Бу спорт турлари гендер-тенгликни сақлаши, ёшларни спортга янада жалб этиши билан аҳамиятли», — деди ХОҚ президенти Томас Бах.
Париж Олимпиадасида спорт алпинизми ва скейтбординг бўйича 4 тадан, сёрфинг ва брейк-данс бўйича 2 тадан медаллар комплекти ўйналиши тасдиқланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)