Туркия президенти Ражаб Тоййиб Эрдўғон Миср собиқ президенти Муҳаммад Мурси Қоҳирадаги суд мажлиси чоғида вафот этгач, мамлакат ҳукуматини судга бермоқчи. Бу ҳақда Anadolu агентлиги хабар қилади.
«Мурси ўз ажали билан ўлгани йўқ, уни ўлдиришди. Мисрнинг демократик сайланган президенти 20 дақиқа суд залида ётган, ҳеч ким унга ёрдам кўрсатмаган», — деди Эрдўғон.
Унинг таъкидлашича, Туркия Мурсининг ўлими мавзусини кузатиб боради ва иш халқаро судларда кўриб чиқилиши учун барча чораларни қўллайди.
Эслатиб ўтамиз, Муҳаммад Мурси Қоҳирада 17 июнь куни судда нутқ сўзлаб бўлганидан кейин юрак хуружи оқибатида вафот этган эди.
Изоҳ (0)