Бразилиянинг кўпгина шаҳарларида пенсия ислоҳотларига қарши оммавий норозилик 14 июнь куни, Жанубий Америкада ўтказилаётган айни Америка футбол кубоги бошланишидан аввал содир бўлди. Бу ҳақда «РИА Новости» хабар берди.
Қайд этилишича, норозиликлар мамлакатнинг 300 га яқин шаҳарларини қамраб олди. Улар йил бошида Жаир Болсонару ҳукумронлиги давридан буён йирик касаба уюшмаларини ҳам ўз ичига олган биринчи оммавий норозилик акцияси бўлди.
Умумий ҳисобда иш ташлашда қарийб 45 миллион ишчи иштирок этаётган бўлиб, уларнинг аксарияти мамлакатнинг 27 штатида олиб борилаётган намойишларга чиққан. Шу куни марш ўтказилган, йўллар ёпилган, жамоат транспорти ҳам вақтинча ишламаган.
Шунингдек, Сан-Паулу, Рио-де-Жанейро ва Фос-ду-Игуасу шаҳарларида алоҳида тўқнашувлар юз берган. Нитерой муниципалитетида эса машина норозилик марши иштирокчиларига қарата ҳайдаган, оқибатда икки киши енгил тан жароҳати олган.
Энг катта оммавий чиқишлар Сан-Паулу йирик шаҳрида содир бўлган бўлиб, 14 июнда у ерда Бразилия ва Боливия ўртасида Америка кубоги учун футбол матчига старт берилган эди.
Изоҳ (0)