Ангела Меркелдан сўнг партия раҳбари бўлган Германия Христиан-демократлар иттифоқи (ХДИ) вакили Аннегрет Крамп-Карренбауэрнинг фикрича, Россия қўшни давлатлардаги вазиятни беқарорлаштириш учун барча имкониятларни ишга солмоқда. Бу ҳақда «Коммерсантъ» хабар берди.
Крамп-Карренбауэр хонимнинг сўзларига кўра, Азов денгизи «руслар суви бўлмаслиги керак». У Россияга қарши санкцияларнинг узайтирилишини қўллаб-қувватлади ва Европанинг санкциядан воз кечиши «халқаро ҳуқуқнинг бузилишига олиб келиши мумкин»лигини айтди.
Эслатиб ўтамиз, Европа Иттифоқи, АҚШ ва бошқа давлатлар Қрим Россия таркибига киритилганидан сўнг 2014 йилда Россияга қарши санкциялар жорий этган эди. Яриморолда 2014 йилнинг 16 мартида референдум ўтказилган бўлиб, овоз берганларнинг 96,77 фоизи Қримнинг Россия таркибига қўшилишини қўллаб-қувватлаган.
Изоҳ (0)