Ўзбекистонда илк «Битирувчилар жамғармаси» ташкил этилди
Марказий Осиёда ягона ҳисобланган Навоий давлат кончилик институтида янги жамғарма битирувчилар жамғармаси ташкил этилди. Бу ҳақда институти матбуот хизмати маълум қилди.
Жамғарма Вазирлар Маҳкамасининг 17 апрелдаги «Таълим муассасаларида уни битириб, юксак ютуқларга эришган номдор шахсларнинг ҳомийлик хайрия маблағлари ҳисобига шакллантириладиган битирувчилар жамғармасини ташкил этиш тўғрисида»ги қарорига асосан ташкил этилган ва Жамғарма низоми тасдиқланган.
Низомга мувофиқ, Жамғарма маблағлари иқтидорли, билимли ўқувчи ва талабаларни моддий қўллаб- қувватлаш ва рағбатлантириш, зарур ўқув ва илмий адабиётлар ҳамда жиҳозлар харид қилиш, кам таъминланган оилалар ва етим болалар тоифасига кирувчи ўқувчи ва талабаларни моддий қўллаб-қувватлаш каби қатор мақсадларга йўналтирилиши кўзда тутилган.
