2019 йилнинг 8 июнь куни қурилиш майдонида бахтсиз ҳодиса (темир плитанинг қулаши) оқибатдида Ўзбекистон фуқароси 20.05.1964 йилда туғилган Уражбеков Алижон вафот этди. Бу ҳақда Ташқи ишлар вазирлиги Берлиндаги Ўзбекистон элчихонаси маълумотларига таяниб хабар бермоқда.
9 июнь куни консуллик-ҳуқуқий масалаларини жойида ҳал қилиш учун Чехияга борган Элчихона ходимига мазкур факт полиция томонидан тасдиқланди.
Тергов ишлари билан Чехия криминал полицияси шуғулланмоқда.
Айни пайтда Прага шаҳридаги дафн қилиш агентлиги билан биргаликда марҳумнинг жасадини Ўзбекистонга юборишга тайёргарлик амалга оширилмоқда.
Консуллик-ҳуқуқий департаменти марҳумнинг оила аъзолари ва яқинларига таъзия билдиради ва эслатиб ўтадики Германия (Берлин, Бранденбург, Бремен, Қуйи Саксония, Гамбург, Мекленбург-Олд Померания, Саксония, Саксония-Анҳалт, Шлезвиг-Ҳолштайн, Турингия), Швеция, Швейцария ва Чехия ҳудудида жойлашган фуқаролар зарур вазиятларда мамлакатнинг Берлин шаҳридаги Элчихонасига қуйидаги телефон орқали мурожаат қилишлари мумкин: +49-30-3940980.
Изоҳ (0)