Ўзстандарт» агентлиги тегишли ҳамкор ташкилотлар билан биргаликда «Назорат хариди»ни амалга ошириб келмоқда. Агентлик матбуот хизматининг «Дарё»га хабар беришича, ўтган давр мобайнида 148,8 миллиард сўмдан ортиқ маҳаллий ва импорт қилинаётган маҳсулотлар тегишли меъёрларга жавоб бермагани аниқланди.
Булардан 5 миллиард сўм қийматидаги озиқ-овқат ва қишлоқ хўжалиги маҳсулотлари Россия, Покистон, Грузия давлатларидан импорт қилингани маълум бўлди.
Биргина 2019 йил давомида Республика синов ва сертификатлаштириш маркази қошидаги «Чуқурсой» сертификатлаштириш идораси томонидан консерваланган «кўк нўхат», «қизил ловия», «сариёғ» ва «Атлантика скумбрия»си маҳсулотлари сифат кўрсаткичлари лаборатория синовларида номувофиқлиги аниқланган.
«Ҳурматли истеъмолчилар, маҳсулот харид қилаётганингизда албатта унинг тегишли сертификати ва сифатига эътиборли бўлишингизни тавсия қиламиз», — дейилади агентлик хабарида.
Изоҳ (0)