Ўзбекистон Бош прокуратураси Навоийда фуқаронинг шифокорни ҳақорат қилиши ҳолати юзасидан расмий изоҳ берди.
2019 йил январь ойларида Навбаҳор тумани Арабхона маҳалласида яшовчи И.Э. ўзининг вояга етмаган фарзандининг соғлиги ёмонлашгани туфайли, даволатиш мақсадида Навбаҳор тумани Тиббиёт бирлашмаси қабул бўлимига олиб келган. Фарзандининг соғлиги яхши эмаслиги тўғрисида қабул бўлими навбатчи врачи А.Э.га мурожаат қилганида навбатчи врач А.Э. болалар шифокори эмаслигини, педиатр шифокори бошқа беморни кўраётганлигини унга телефон қилиб дарҳол чақирганлигини ва педиатр шифокор келгандан сўнг, у келиб уни фарзандини кўришини маълум қилган.
Шу пайт фуқаро И.Э. навбатчи шифокор А.Э.га таҳдид қилиб, «бу ер сенга тиббиёт институти эмас, жавобгарликни ҳис қиласанми, бор топиб кел, операция дейсан, текширяпти дейсан, сен ҳали ўйнашяпсанми, мол дўхтири» деган сўзлар билан шифокорга ҳақоратомуз сўзларни гапирган. (Мазкур ҳолат тиббиёт бирлашмаси ходимлари томонидан ведиотасвирга олинган).
Шифокор А.Э. ушбу ҳолат юзасидан аввал мурожаат этмаганлиги сабабли унинг аризаси Навбаҳор тумани ИИБ НҚнинг Ш-1 китобидан 08.06.2019 йилда 408-қайддан ўтказилиб, терговга қадар текширув ҳаракатлари олиб борилмоқда.
Аввалроқ ижтимоий тармоқларда фуқаро ва шифокор иштирокида юз берган навбатдаги нохуш видео тарқалгани хабар берилган эди.
Изоҳ (0)