Қирғизистон Ташқи ишлар вазирлиги мамлакатдаги Туркия элчиси Женгиз Комил Фиратга норозилик нотаси топширди, деб хабар қилади Sputnik.
«Вазирлик Туркия элчисини Қирғизистон ички ишларига аралашмасликка, ўзини тийиш ва миллий қонунчиликни ҳурмат қилишга чақирди», — дейилган расмий хабарда.
Маълум бўлишича, Орок қишлоғида аҳоли гуруҳлари орасида катта жанжал содир бўлган вақтда Туркия элчиси ўша ерда бўлган.
5 июнь куни эрталаб соат 08:30 Ҳайит намозидан кейин Қирғизистоннинг Чуй вилояти Орок қишлоғида яшовчи турк ва қирғиз миллатига мансуб ўсмирлар орасида жанжал келиб чиққан. Шундан сўнг аҳоли қишлоқдаги бир неча уйларнинг дерезасини синдириб, сомонхоналарга ўт қўйган. Жанжал оқибатида икки ўсмир жонлантириш бўлимига тушган.
Қирғизистон милицияси ушбу жанжал юзасидан 32 кишини сўроқ қилиб, можарода иштирок этган бишкеклик депутат Қилич Боркоевни ҳибсга олган.
Таъкидланишича, айни дамда иккала томон ҳам ўзаро келишиб олган ва бир-бирларига даъволари йўқлигини хабар қилган.
Изоҳ (0)