Ўзбекистонда 31 май куни «Ёш ёнғин ўчирувчи» ва «Ўзбекистон Республикаси 9-чемпионати» мусобақаларининг ғолиблари аниқланди, деб хабар берди ФВВ матбуот хизмати.
Шу куни дастур асосида тадбирнинг тантанали очилиш маросими ўтказилиб, унда Фавқулодда вазиятлар вазирлиги Ёнғин хавфсизлиги бош бошқармаси, Жисмоний тарбия ва спорт, Олий ва ўрта махсус таълим, Халқ таълими вазирликлари ҳамда Ёшлар иттифоқи Марказий Кенгашининг раҳбарияти, вилоят ҳокимлиги, бошқа жамоатчилик вакиллари иштирок этди.
Мусобақаларнинг очилиш маросимида ҳуқуқни муҳофаза қилувчи органларнинг ва Фавқулодда вазиятлар вазирлиги куч ва воситаларининг кўргазмали чиқишлари ҳамда таниқли хонандалар иштирокида концерт дастури ташкил этилди. Кўргазмали чиқиш ва концерт дастуридан сўнг, мусобақанинг 4х100 метрли ёнғин ўчирувчилар эстафетаси тури ўтказилди.
1 июнь куни эса мусобақанинг 100 метрга тўсиқлар оша югуриш тури бўлиб ўтди ва назарий шартларга кўра, мусобақа иштирокчиларининг ёнғин хавфсизлиги бўйича билим савиялари тест синовлари орқали аниқланди.
Мусобақанинг ҳар бир турини кузатиб, баҳолаб келаётган ҳакам ва мураббийлар томонидан энг яхши натижа кўрсатган ғолиб терма жамоалар аниқланди.
Жумладан, Ўрта махсус, касб-ҳунар таълими муассасалари ўқувчилари ўртасида ўтказилган «Ёш ёнғин ўчирувчи» мусобақаси бўйича:
«Ишғол қилиш нарвонида ўқув минорасининг 3-қаватига кўтарилиш» тури бўйича Жиззах вилояти терма жамоаси 1-ўринни (36.57 сония билан), Тошкент вилояти терма жамоаси 2-ўринни (37.28 сония билан) ҳамда Қашқадарё вилояти терма жамоаси 3-ўринни (37.93 сония билан) эгаллади.
«Ёнғин ўчирувчилар эстафетаси» тури бўйича Жиззах вилояти терма жамоаси 1-ўринни (62.31 сония билан), Андижон вилояти терма жамоаси 2-ўринни (64.06 сония билан) ҳамда Хоразм вилояти терма жамоаси 3-ўринни (66.87 сония билан) қўлга киритди.
«100 метрга тўсиқлар оша югуриш» тури бўйича Андижон вилояти терма жамоаси 1-ўринни (54.30 сония билан), Наманган вилояти терма жамоаси 2-ўринни (55.54 сония билан) ҳамда Жиззах вилояти терма жамоаси 3-ўринни (56.24 сония билан) эгаллади.
Умумтаълим муассасалари ўқувчилари ўртасида ўтказилган «Ўзбекистон Республикаси чемпионати» мусобақаси бўйича:
«Ишғол қилиш нарвонида ўқув минорасининг 2-қаватига кўтарилиш» тури бўйича Жиззах вилояти терма жамоаси 1-ўринни (15.52 сония билан), Қашқадарё вилояти терма жамоаси 2-ўринни (15.80 сония билан) ҳамда Навоий вилояти терма жамоаси 3-ўринни (15.89 сония билан) эгаллади.
«Ёнғин ўчирувчилар эстафетаси» тури бўйича Жиззах вилояти терма жамоаси 1-ўринни (64.64 сония билан), Навоий вилояти терма жамоаси 2-ўринни (66.31 сония билан) ҳамда Сурхондарё вилояти терма жамоаси 3-ўринни (67.43 сония билан) қўлга киритди.
«100 метрга тўсиқлар оша югуриш» тури бўйича Навоий вилояти терма жамоаси 1-ўринни (35.94 сония билан), Бухоро вилояти терма жамоаси 2-ўринни (36.39 сония билан) ҳамда Андижон вилояти терма жамоаси 3-ўринни (37.69 сония билан) қўлга киритди.
Якуний натижаларга кўра, ҳар бир жамоа иштирокчиларининг кўрсатган натижалари бўйича тўплаган баллари умумлаштирилиб, барча турлар бўйича умумжамоа ҳисобида Жиззах вилояти терма жамоаси 1-ўринга, Навоий вилояти терма жамоаси 2-ўринга ҳамда Андижон вилояти терма жамоаси 3-ўринга сазовар бўлди.
Ҳудудлардан ташриф буюрган қизлар терма жамоалари ўртасида «Ёш ёнғин ўчирувчи» мусобақаси бўйича:
«Ишғол қилиш нарвонида ўқув минорасининг 2-қаватига кўтарилиш» тури бўйича Тошкент вилояти терма жамоаси 1-ўринни (8.22 сония билан), Сирдарё вилояти терма жамоаси 2-ўринни (8.78 сония билан) ҳамда Андижон вилояти терма жамоаси 3-ўринни (9.03 сония билан) эгаллади.
«Ёнғин ўчирувчилар эстафетаси» тури бўйича Навоий вилояти терма жамоаси 1-ўринни (75.12 сония билан), Сирдарё вилояти терма жамоаси 2-ўринни (76.47 сония билан) ҳамда Сурхондарё вилояти терма жамоаси аъзоси 3-ўринни (77.43 сония билан) қўлга киритди.
«100 метрга тўсиқлар оша югуриш» тури бўйича Сирдарё вилояти терма жамоаси 1-ўринни (18.76 сония билан), Навоий вилояти терма жамоаси 2-ўринни (19.66 сония билан) ҳамда Андижон вилояти терма жамоаси 3-ўринни (19.92 сония билан) қўлга киритди.
Барча ғолиблар ҳамда фаол иштирокчилар ташкилотчиларнинг диплом ва эсдалик совғалари билан тақдирланди.
Изоҳ (0)