Хитой АҚШ давлат котиби Майкл Помпеонинг Тяньаньмэнь майдонидаги воқеанинг 30 йиллиги муносабати билан билдирган баёнотига нисбатан кескин норозилик билдирди, деб хабар беради «ТАСС».
«Помепонинг баёноти Хитой ички ва ташқи сиёсатини ҳурмат қилмаган ҳолда мамлакат ички ишларига қўпол аралашиш ҳисобланади. Бу Хитой халқини ҳақоратлаш, халқаро муносабатларни тартибга солиб турувчи халқаро ҳуқуқ ва нормаларни жиддий бузишдир. Хитой томонида бунга нисбатан жиддий норозилик билдиради», — дейилади Хитойнинг АҚШ элчихонаси баёнотида.
3 июнь куни АҚШ матбуот котиби Майкл Помпео Тяньаньмэнь майдонида содир бўлган воқеанинг 30 йиллиги муносабати билан ёзма баёнот бериб, «АҚШнинг Хитойда очиқ ва толерант жамият қуриш борасидаги умидлари амалга ошмади» деган эди.
1989 йилда Пекиндаги айрим шаҳарларда талабалар ва шаҳар аҳолиси норозилик чиқишларини қилган. 4 июнь куни ҳукумат армияни ишга солиб оммавий акцияларни Тяньаньмэнь майдонида бостирган эди.
Изоҳ (0)