Ҳукумат қарори билан Расул Раҳмонов Тошкентдаги Вебстер университетининг таълим дастурларини амалга ошириш маркази ижрочи директори этиб тайинланди. Бу ҳақда Адлия вазирлигининг «Ҳуқуқий ахборот» канали маълум қилди.
Олий ва ўрта махсус таълим вазирлигидан маълум қилишларича, иқтисодиёт фанлари номзоди Расул Раҳмонов бунгача Ўзбекистон Миллий университетида Халқаро алоқалар бўйича проректор лавозимида фаолият юритган.
Маълумот учун, Тошкентдаги Вебстер университетининг таълим дастурларини амалга ошириш маркази олий таълим муассасаси ҳисобланиб, АКТ, ОАВ, тадбиркорлик, табиий фанлар ва педагогика соҳаларида мутахассислар тайёрлайди.
Президентнинг 2019 йил 20 мартдаги қарори билан билан ташкил этилган Вебстер университетининг Тошкент марказида 2019/2020-ўқув йилидан ўқув жараёнлари бошланади, бу ерда бакалавриатнинг асосий 14 та таълим йўналишлари ҳамда 16 та магистратура мутахассисликларида кадрлар тайёрланади.
Изоҳ (0)