Фуқаролик ишлари бўйича Наманган вилоят суди томонидан Наманган шаҳридаги 26-сонли меҳрибонлик уйида 1 июнь —Халқаро болаларни ҳимоя қилиш кунига бағишлаб маънавий-маърифий тадбир ўтказилди. Бу ҳақда «Дарё» мухбири хабар бермоқда.
Тадбирда вилоят суди раиси Абдураҳмон Сафоев мамлакатда «Бола ҳуқуқларининг кафолатлари тўғрисида»ги қонун қабул қилингани ва Бола ҳуқуқлари тўғрисидаги конвенция ратификация этилгани мазкур йўналиш берилаётган устувор эътибордан далолат эканлигини таъкидлади.
Болаларнинг қонунга хилоф қарорлар, ҳаракатлар устидан шикоят қилиш ҳуқуқи борлиги, уларнинг ҳуқуқ, эркинлик ва қонуний манфаатларини ҳимоя қилиш, жумладан, суд томонидан ҳам амалга оширилиши ҳақида тушунтириш берилди.
Тадбир давомида Наманган санъат коллежи ўқувчилари болалар учун тайёрланган мусиқали чиқишларини тақдим этди. Тарбияланувчиларга 100 га яқин турли мавзулардаги китоблар топширилди.
Изоҳ (0)