30 майнинг эътиборга молик янгиликлари — «Дарё» дайжестида.
Ўзбекистон Республикаси Президенти Шавкат Мирзиёевнинг топшириғига биноан, 156 нафар Ўзбекистон фуқароси асосан аёллар ва болалар Яқин Шарқдаги қуролли можаролар ҳудудидан Ватанга қайтарилди. Улар 30 май куни махсус авиарейсда Тошкент шаҳрига олиб келинди.
Алдов оқибатида ўзга юртга бориб қолиб, оғир ҳаётий даврни бошидан ўтказган бу инсонларга ҳукумат томонидан тиббий, психологик, моддий ва маънавий ёрдам кўрсатилади.
***
29 май кечаси Ўзбекистон ҳудудида 4,7 магнитудали зилзила содир бўлди.
Зилзила ўчоғи 2 км чуқурликда жойлашган бўлиб, унга энг яқин шаҳар 37 километр узоқликдаги 11 минг аҳолига эга Газли шаҳри.
***
Президентга «андижонча спектакл» қўйилгани ростми?
28 май куни «Озодлик» радиосида андижонлик 35 ёшли Хуршида Тиллаеванинг видео мурожаати эълон қилинди. Икки нафар фарзанди бор аёлнинг таъкидлашича, унга 16 май куни Ўзбекистон Президенти Андижонга ташриф буюрганида «Ўзбекистон 24» телеканали мухбирига хурсандлигидан янги уйга кўчиб ўтганлигини айтиш мутасаддилар томонидан тайинланган. У эса қувонганидан интервью берган ва бу эфирга узатилган. Аммо Президент вилоятдан пойтахтга қайтиши билан аёлдан уй олиб қўйилган.
***
Хитойда дунёдаги энг тезюрар поезд ишга туширилди.
Хитойнинг CRRC корпорацияси соатига 600 километр тезликда юрадиган магнит ёстиқли маглев поездлари прототипини намойиш этди.
***
Россия ҳукумати раҳбари Дмитрий Медведев бошчилигидаги делегация 30 май куни Хоразм вилоятига келди.
30 май куни Шавкат Мирзиёев ҳукумат раҳбарлари даражасидаги қўшма комиссиянинг биринчи мажлисида иштирок этиш учун Ўзбекистонга келган Россия ҳукумати раиси Дмитрий Медведевни қабул қилди.
Изоҳ (0)