Pokistonlik general Imom Buxoriy majmuasini ziyorat qildi

Pokistonlik general Sodiq Ali boshchiligidagi delegatsiya 30-may kuni Samarqandga tashrif buyurdi. Bu haqda Zarnews xabar bermoqda.

Delegatsiya a’zolari dastlab Payariq tumanidagi Imom Buxoriy yodgorlik majmuasini ziyorat qildi.

Majmua yonida bunyod etilgan Imom Buxoriy xalqaro ilmiy-tadqiqot markazi bilan tanishuv chog‘ida qisqa fursatda bunyod etilgan ushbu markazning yaratilish tarixi, uning faoliyati haqida mehmonlarga batafsil ma’lumot berildi. Bu yerdagi muzey va undagi eksponatlar pokistonliklarda katta qiziqish uyg‘otdi.

General Sodiq Ali buyuk muhaddis qoldirgan boy ilmiy-ma’naviy merosini o‘rganish, bu zot to‘plagan sahih hadislar islom dinining asl mohiyatini odamlarga yetkazishda muhim ahamiyat kasb etishini ta’kidladi.

Delegatsiya a’zolari Samarqand shahridagi tarixiy obidalar va muqaddas qadamjolarni ham ziyorat qildi.