Венесуэла Марказий банкининг ҳисоботида келтирилишича, мамлакатда 2018 йили инфляция даражаси 130 060 фоизни ташкил этган, деб хабар беради «Интерфакс».
2013 йилдан 2018 йилгача мамлакат иқтисодиётининг 96 фоизни ташкил этувчи нефть сектори 47,6 фозига қисқарган. 2013—2014 йиллар давомида нефть экспортидан тушган даромад тегишли равишда 85,603 ва 71,732 миллиард долларни ташкил этган. 2018 йилда эса эксперт ҳажми 29,81 миллиард долларга тушиб кетган.
Шунингдек, ҳисоботда келтирилишича, жорий йилнинг апрелида инфляция даражаси 33,8 фозини ташкил этган. Январдан март ойига қадар эса ушбу кўрсаткич тегишли равишда 196,6 фоиз, 114,4 фоиз ҳамда 34,8 фоизга тенг.
Халқаро валюта жамғармаси 2018 йили Венесуэладаги инфляция даражасини ҳисоблаб чиқиб, мазкур кўрсаткич 930 000 фоизга яқинлигини маълум қилди. 2019 йилги башоратларга кўра, инфляция даражаси 10 000 000 фоизга етиши кутилмоқда.
Изоҳ (0)