Қозоғистон Миллий хавфсизлик қўмитаси порахўрликда гумон қилинаётган божхона постларининг 20 дан ортиқ ходимларига қарши жиноий иш қўзғатди. Бу ҳақда қўмита матбуот хизматига таяниб, Sputnik хабар берди.
Дастлабки тергов «Нур йўли», «Калжат» ва «Косинбаева номидаги» божхона постларининг божхона, фитосанитария, ветеринар ва транспорт назорати ходимларига нисбатан олиб борилмоқда.
«Ходимларнинг 20 дан ортиғи Хитойдан келган товарларнинг Ўзбекистонга тўсиқсиз олиб кириш учун ташқи иқтисодий фаолият иштирокчиларидан товламачилик билан пора олганликда гумон қилинмоқда», — дейилади қўмита хабарида.
Қайд этилишича, «олиб борилган тинтув давомида жиноий йўл билан қўлга киритилган катта миқдордаги хорижий ва миллий валютадаги пул маблағлари олиб қўйилган».
Ҳозирда уч нафар гумонланувчи суд санкциясига кўра ҳибсга олинган. Жиноят ишининг бошқа иштирокчилари айбига тўлиқ иқрор бўлгани туфайли уларга озодликдан маҳрум қилиш билан боғлиқ бўлмаган чоралар қўлланилган.
Изоҳ (0)